|
| Author | Topic: happy new year |
| sadia |
posted 12/31/05 2:58 PM
chalo phir nafraton ki aag ko ikhlaas ke chashmon se dhu dalen jinhun ne dil ba dil,lamha ba lamha bad gumani kasht ki hai,un wafa nashna sochon ko zehan se khurach kar deeda o na deeda ko zameen par lagaen,ao sab mil jul kar kuch zetoon ki shakhen ke jin ke shabnami saye main khawabon ka basera hu jahan had e takhayyul tak sawera hi sawera hu chalo phir reshmi khawabon,muhabat khez jazbun oos qatron ki tarah shafaf tar sochon ko baham aik kar ke aman ke tafseer ban jaen chalo phir mil ke ham sab ane wale dour ki taqdeer ban jaen chalo phir ane wali rut ka istaqbal karte hain muhabat hi muhabat kasht ab ke saal karte hain suno logo.... ke ab ke saal ham sab ko sitaron ki zaroorat hai baharon ki zaroorat hai zara socho tu ,apas ke saharon ki zaroorat hai chalo phir ane wali rut ka istaqbal karte hain muhabat hi muhabat kasht ab ke saal karte hain .......sab ke liye buhat si duaen.have nice time and ...duaon main yad rakhye. |
| rehana soz |
posted 12/31/05 5:01 PM
BAHUT KHUBSURAT KHAYALAATH HAIN SADIYA...AISI FASAL HER ZAMEEN PER UGE......AISE CHASME HER SU BAHEN.....EK AUR SAAL JAANE LAGA.....GHUM E ZINDGI BHI LE JAAYE AGAR...AANE WALA SAAL KYA LAAYEGA KISE HAI KHABER......PHIR BHI USKI RAHMAT KE UMMEEDWAAR HAIN....AYE NAYE SAAL TUJH SE MILNE KO HUM BEKHRAR HAIN......AAPKI DUAYEN RANG LAAYENGI.....ISKA HUM KO HAI PURA YAQEEN.....HER KHAMOSH DIL KI SADA AMEEN AMEEN AMEEN....... REHANA SOZ |
| Munir Qasim |
posted 1/1/06 10:10 AM
aaj saal ka pehla din hay, aur Peshawar main zoorooN ki barish ho rahi hay. Aik flebadeh nazm hoi... SAAL E NAU KA PEHLA DIN ======================= Salle e nau ka pehla din saal ki jhari pehli abr khul kay barsa hay arsh e chashm say utri kirchiooN ki sorat maiN saal ki lari pehli kia haseen mausam hay kia jhari suhaani hay kia lari suhaani hay sardioN ki barish maiN nafratooN kay sholooN ko aaj sard kartay haiN beetay saal ki bataiN zindagi kay rastay ki gard e rah kartay hain main nay kia kaha tujh say tu nay kia kaha mujh say woh qasoor mayra tha ya teri ana ka tha aaj tay naheeN kartay kalftain sabhi janaaN aaj bhool jaatay haiN dushmani nibhaanay ko aik umr baaqi hay saal ka hey pehla din aur pehli barish hay sirf chand lamhooN ko aaj dosti kar lain =============== For......... all my readers |
| rehana soz |
posted 1/1/06 12:12 AM
qasim saheb..in chund lamhon se sadiyon ki pyaas kya bujhe...maangte hain hum qayamat tak dosti ke silsile...ana kaisi ulfat ke jazbon may..haar kar khud ko jeet leta hai.....ye vo rishta hai baad zindgi ke bhi baakhi rehta hai.....aapki arzoo saal e nau kar sake puri...dua hai meri.......waise mokhtaser zindgi hai....her jaane wala pal hum se kuch maangta hai....kyon na ye sochen hum zamane ko kya denge.....humari taqleeq ka matlab sirf mohabbat hai...aur mohabbat khud ibaadat hai....... rehana soz |
| sadia |
posted 1/1/06 1:29 PM
thanks rehana jee....dua tu sab karte hain lakin qabooliat ka yaqeen kisi kisi ko atta huta hai.ap ka ye yaqeen mujhe acha laga......muhataram shair ki nazm pe bhi khoob comment kia ap ne,,kisi shair ki aisi hi nazm hai....itne ache mosam main roothna nahin acha...haar jeet ki baten kal pe utha rakhen...aj dosti kar len...ye nazm usi khayal ki akaas hai...rehana kehtin hain..in chand lamhun se sadyon ki pyas kia bujhe...lakin un chand lamhun ko dosti ka nam bhi kion diya jae?...je mehaz badalte mosmon ka aik rang hun....chand lamhon main utar jane wala...anyways hamare khayalat se qata nazar nazm achi hai...and rehana jee....app ke comments parh ke main ne "app ki shairy"section check kia ke shayad wahan ap ka baqaida kalam parhne ko mile lakin.....there was nothing.umeed hai ainda zarur app ke kalam se mustafeed hone ka moqa mile ga.salam. |
| Munir Qasim |
posted 1/1/06 3:14 PM
Salamz..woh nazm jis ka sadia nay zikr kia main nay lazman kabhi parhi hogi.. isi leay tu meray tehtushaoor main woh misra aaya "aaj dosti kar lain".. waisay mujhay yaad nahee keh main nay yeh nazm kab aur kahaaN parhi. Agr iss nazm kay shair ka naam pata chal sakay tu inayat ho gi. Baaqi kisi ko umar bhi ki dostri darkaar tu kisi ko aik pal ki bhi gawara nahee..... yeh tu apni apni mang hay. Aur naseeb maang kay mutabiq he bantay hain shaid..... |
| rehana soz |
posted 1/1/06 4:08 PM
saadiya..mera yaqeen us ishq e haqeeqe ka marhun e mennat hai jo ajab raastoun se ho ker mujh ko mil gaya hai..kisi ki ankh may dekha vo mohabbat ka jalwa.....kisi ki bekhudi may ishq ki meraaj hote dekhli humne.....unhi ki ek dua hoon mai.....ke tu jis taraf hogi meri dua hogi...meri dua ye hai ke her dil ki ho sunwaii....ghum ke maron ko mil jaaye dua meri......sadiya aapne likha mujhe achcha laga...ye yaqeen naseebon se milta hai.......mai koi aala paaye ki shayera nahi hoon..phir bhi dil ko qalam kar ke jo bhi likha hai bas wahi hai nazrana e mohabbat ....kisi din aapki nazar bhi karenge....... rehana soz |
| fahad khan |
posted 5/18/06 10:54 PM
ASSLAMO ALIKUM ke baad arz hai ke main bhi aap ke is web site pe kuch apnay alfaaz likhna chahta hoon mujh ko bataen ke mujh ko kya karna hoga pls i'll be w8ting for your answer |
| vini |
posted 9/13/09 5:41 PM
hi. May I know what is the meaning of the word "mennat" in hindi? if the sentence is ...bohoth mennat karte...?? what does that mean? please help me. and thank you soo much! if possible, please reply to my email : pvini09@yahoo.com |
| Muhammad Munir Qasim |
posted 1/25/10 8:21 PM
minnat means "Request" |
|
|