|
| Author | Topic: كـــرعيــن صــــدام.....و..اضنيـــن بن لادن |
|
سجيمان (Moderator) |
posted 12/17/03 3:08 PM
تذكرت...هذه قصورهم وهذه قبورهم... قالها واحد متصوف لي خليفة من خلفاء بني العباس طلب منو الخليفة ان يهديهو...... واظنو نفس الزول لو لاقى صدام حسي..... كان قال ليهو هذه قصورهم وهذه جحورهم.....انا شفت الجُحر الاكان مدسي فيهو صدام..... في ضمة الامريكان..... لكن انا خاسة نفسي ما شفت غير كرعين زول راقد ولا بس لو باتا....وبعدين الجحور فاضيات.... وبعدين شفت صدام ومعاهو دكتور يفلي فيهو..... خايفو يكون قمّل من الرقدة الطويلة الفي الجُحُر ..دا.....ويفتش في خشمو يمكن يكون داسي فيهو سلاح كيماوي...والتسويهو تكريت في القرض تلقاهو في ولدا.... .بوش غايتو لي حسي لحق نفسو للانتخابات الجاية....... لكن اللحقة البصح... لما يجيبو لينا بلادن زول الجحور المو خمج.... في التلفزيون....ويورونا اضنيهو بس.... وهو لابد في الجُحُر..... ويورونا جحورو في تورا بورا..........قطع شك بوش يفوز....ولوموني بعدين ان ما جا الاول.... ...نحن غايتو طلعنا ناس بتاعين جحور سااااااااااااااكت..... يعني أي رئيس يلف ويدور. ويكب الزوقة...ويكوسوهو الامريكان...... يفتشو محل الجحور وين....اهم حاجة أي رئيس قبل ما يمشي علي قصر االحكم..... يكون رتب جحرو.... وحفرو وجهزو..... كويس.... والدنيا مو معروفة.......... ولو قام انقلاب تتوزع الدبابات دبابتين للاذاعة ودبابتين لكل كبري و تلاتة دبابات للاستيلاء على الجُحر الجمهوري...ويبقى عندنا بعدين معالم تاريخية الجُحر الاكبر والجُحر الاصغر.. والجُحر الاوسط...... زي الاهرامات.....وجحور قدماء الحكام....وتكون معلم تاريخي وسياحي مهم....ويزوروهو السواح....ويسيحو جنبو لمن يفترو.....ويتباوسو العشاق عند الجُحر الاكبر وياخدو صور تذكاريه.. والعرسان المحظوظين يسمحو ليهم يقضو شهر العسل في واحد من الجحور دي....عشان العروس تتفشر بعدين وتحكي انو احلى ايامها كانت في الجُحر....وتغيظ باقي العروسات المبشتنات المقطعات القضن شهر العسل في الهيلتون........ .ويسوروها ويفرضو رسوم على زيارة الجحور الجمهورية......والدود القرقر وحبس الدرب...... يبقى الدود قرقر حفر الجُحر... والجُحر الجمهوري... يحرسوهو اتنين لا يرمشو ولا ينضمو.لا يهشو لا ينشو....واخر الشهر يدوهم ماهية...والله راحات!!!..... .وبما انو نحن ناسنا الدايرين يبقو روساء كتاااااااااار....... اصلو مافي مشكلة....ان صفت النية الجُحر الوااااااحد يشيل مية......اما ناس سجيمان ليهم الله وعيشة الرواكيب...... انتو مسعولين من الخير.......نُقُد وين؟ |
| كمبال |
posted 12/17/03 5:03 PM
والله يا حاتم منظر صدام وأنا أتابع النشرة كان مثيرا للشفقة , وهى نقطة ضعفنا وهى أيضا رحمة الله فى قلوب المسلمين , ألا أن منظر الاتراك والايرانيين وهم كحب الفلفل على الارض كان محزنا .فبدأت أنشد : وتاه الهر فى جحر الضب ......لا خل ولا أنس ولا حب ....لآ أم ولا عم ولا أب .... يقتات الحزن ورماد الحرب ..... والبقية تأتى ....منظر مخجل ومشين ... |
|
حاتم جيلي (Moderator) |
posted 12/18/03 6:52 AM
انا اعتقد ان الاهانة فى الاساس رسالة موجهة للرؤساء العرب بصفة خاصة والمواطن العربى بصفة عامة وهى ان امريكا تستطيع ان تفعل ماتشاء فى اى وقت تشاء ان لم ترضى عن اى بلد عربى او رئيس عربى لكن البحير اكتر وين الامم السموها متحدة وين الجامعة العربية وهى مفرقة وليست جامعة وين النخوة العربية وين ووين لحدت بكرة والمقال ما بنتهى وخليكم صابرين مش صابرين الممثله لا صابرين بتاعت مصطفى سيد احمد رحمه الله....ودمتم اهلى http://www.arnata.cjb.net اختلاف الراى لايفسد للود قضية |
| layla Amer |
posted 12/18/03 6:53 AM
I missed Sigaman so much. It is been long time since you wrote about him. "Ballahi La Tahrmna mano". I'm so glad that it is back. It brings the happiness and the sadness to me in the same time. Happyines for making me laugh, and the sadness because it shows me all the catastrph which is around us. |
| wtwsert |
posted 5/23/04 8:20 PM
|
|
|