|
| Author | Topic: شابات وشباب |
| ابويزيد |
posted 11/13/01 5:21 PM
الموضوع طويل باحاول اختصر قد ما اقدر السلام عليكم 1-نوعية من البنات تشوفها في البيت غير وعند الناس غير .. على سبيل المثال: في البيت لو يجي أحد ويناديها .. تقول : هااااااااااااه لكن خارج البيت (السوق ، الجامعة ، لما ترد على التليفون .. الخ ) تقول: سم او سمي طال عمرك هلا حياتي عفواً ماسمعتك اهلين.... الخ ليه كذا ليه !! خلك عادي قولي هااااااااه جوا البيت وبرى 2-الملابس: أنواع الخلقنة في البيت .. يعني تلبس بنطلون بيجامة وبلوزة بيجامة !! لكن اذا طلعت .. لو تدخل مسابقة كان فازت .. بملكة الأناقة..!! طيب سؤال يطرح نفسه ؟؟؟ ليه ماتخلقنين في البيت وخارجه ؟ 3-خفة النفس: ونسبتها قليلة جداًيعني أغلب بناتنا عجازات مثل شبابنا .. بعض البنات من العجز .. حتى العباية ماتلبسها .. تخلي الشغالة تساعدها 4-اذا تبون تعرفون البنت فضوية وإلا مرتبة .. شوفوا شنطتها اليدوية اللي تاخذها معها باستمرار .. مثلاً شنطت السوق .. بعض البنت الداخل شنطتها مفقود .. والخارج منه مرحوم !! يعني كل شي تلقونة فيذا الشنطة (مناديل ،قراطيس،علوك ، فواتير،غطا روج بدون روج ....الخ) والبعض الآخر من البنات لااا .. شنطتها أنتكة مثلها أنتكة= راعية ذوق 5-راعية الحق والواجب: بعض النساء .. ماشالله عليها راعية حق وواجب مثلاً: زيارات عائلية . مناسبات . مساعدات للغير .الخ ..كلها تقوم فيها .. بالحق والواجب على حساب زوجها وبيتها وعيالها .. على سبيل المثال: تضغط على زوجها انه يوديها .. لبنت عم خال جد امها عشان توها ساكنة في بيت جديد ويبي لها زيارة ونزالة بعد .. بزعمها ان اللي تسوية حق وواجب طيب ورى ماتسوين حق وواجب في رجلك .. وتعفينه من الزيارت اللي مالها سنع أنا ماأقول انها لاتروح للزيارة .. لكن اذا تهيأت الفرصة لها من الأفضل انها تروح .. لكن مو على حساب شي آخر تقوم بالحق والواجب 6-بعض البنات الله يهديهم مايفرقون بين الطلعة العادية .. والطلعة للجامعة .. والطلعة للسهرة !!! يعني الميك اب لكل هالطلعات واحد والبس والشعر كذالك ... يعني وووووووووووين رايحة بالله .. وشوله هالكلافة !! لازم تفرقين بين كل طلعة والآخرى . يعني انا ودي أسال بعض البنات خصوصاً اللي بالجامعة.. متى يمديك تقومين من النوم وتحطين ميك أب وخصوصاً انك بتروحين للجامعة يعني المفروض عزيزتي انك لما تقومين من النوم تكونين مطنقرة ولا تحاكين أحد مو تتمكيجين والله من الفضاوة لأن الزين زين لو قام من النوم .. والشين شين لو دعج عيونه 7- الدلع : هذي غريزة في البنت .. يعني البنت اذا محد دلعها .. تدلع نفسها لكن فيه دلع عن دلع الدلع اللي يجي على سجيته ..ياحلوة لكن الدلع المصطنع ..وع يحوم الكبد ..أصلاً ماودك تحكي مع وحدة تصطنع الدلع.. وياكثرهم اللي من ذا النوعية . 8- البنات النصابات : يمكن تستغربون لو قلتلكم ان فيه بنات نصابات ..لكن الصدق ينقال .. فيه وياشينهم .. عليهم نصبن موب صاحي ..!! يعني بعطيكم أمثلة .. ** تدرين ان أسير الشوق بكبرة جا يخطبني .. ورفضت لأنه بيسكني مع اهلة.. ** شرت هذي التيور من هارفي نكلز كان عامل دسكاونت .. وهي شاريته من المعيقلية ** سارة ليه ماجيتي امس للحفلة .. أمس بصراحة كان زوراج بنت خالتي .. كان في نياره ..وهي نصابة جاينها خوالها من حريملا .. ولا قدرت تروح للحفلة (أنواااااع النصب) بس مايجي قطرة في بحر نصب الشباب 9- مصلحجيات : وياااااكثرهم عندنا .. يتلزقون بصورة ميب طبيعية موب لله عشان .. حل واجب وإلا عشان فلان الفلاني يقربلك أو غيرة من المصالح . يعني ماتمشي معك لسواد عيونك .. عشان مصلحة بس .. وإن قضت المصلحة أتحدى ان طالعتك موب سلمت عليك .. 10-تحمق : فيه نوعية من البنات تحمق بسرررررعة .. مثلاً ..لو تقولها .. وش ذا اللون موب زين عليك (من باب المزح ) ..عصبت وحمقت وقالت وش فهمك بالذوق يا قروي .. انت حدك جلابية من حلة القصمان |
| ابويزيد |
posted 11/13/01 5:27 PM
13-راعية سوالف: part2 يو هذي النوعية متعبة مرة يعني تجيك الوحدة تسولف تسولف ماتعطي أحد فرصة انه يحكي وكن مافيه إلا هي .. ناهيكم عن التلفووووون ماأقول إلا الله يعين رجلن بياخذها 14- الضعيفة (دابتن سليمة) فيه بنات ضعيفات لكن موكثير .. هذولي البنات يرضون بأي شيء .. مالهم رأي .. كل شي عندها ايه .. ماتعرف كلمة لا ... و اذا أحد سألها تكون اجابتها بكلمة (مادري) ماتناقش .. ولا شي شفت بنات زي كذا بس موكثير . 15-فرووشة و فروحة : يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك ههههه 16-شايفة نفسها: يااااكثر البنات اللي شايفات انفسهم .. البعض من البنات يحق لها تشوف نفسها.. لكن بلاااااك اللي مايحق لها .. على ايش شايفة نفسها ... مادري؟؟؟ ماتكلم الناس إلا من طرف خشمها واذا حكت مع أحد مستحيل تناظرة واذا ردت ترد عقب الشين غالباً هذي النوعية من البنات ماعندهم سالفة .. 16-راعية الطرب والشكشكة : هذي النوعية من البنات ماتمشي إلا بمسجلها .. وأشرطتها في شنطتها .. 17-فتاااااانة .. هذي النوعية تحب تشعللها وتحب تشبها بين الناس .. يعني اذا صار موقف او مشكلة تزيد الطين بله 18-التبذير: أغلب البنات مبذرات .. قليل البنات البخيلات واللي يحافظون على القرش .. 19- غيووووورة : الغيرة وماأدراك ماالغيرة .. كل البنات غيورات لكن نسبتها تختلف من وحدة للثانية .. يعني بعضهم غيرتها شينة ويبان عليها اما بالنظرات أو بالكلام .. ولابعض الآخر لا وفيه غيرة عن غيرة بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة لكن البعض الآخر يغاررون ويحشووون ويحقدون وبس وهذي الغيرة شينة مرررة 20-راعية السوق: هذا دايم دووووم بالسوق ..لو ماتشتري بس تروح للسوق هذي هي هوايتها ونسبتها ماشالله كبيرة جداً 21-الطبيخة : ماتسولف إلا عن الطبخ والمطبخ والمواعين وماتروح عند احد إلا وصنف من أصناف الطبخ سابقها 24-العناد : بعض البنات عنيداات وممكن انها تسوي شي يخالف عاداتها وتقاليدها عشان تنفذ اللي براسها ..كذا عناد بس 25- أم دميعة : هذي لو تقولها .. بخ .. صاحت دمعتها قريبة وعلى طول تصيح وياشينها المفروض تصير دمعتها عزيزة عليها موب أي شي يصيحها بس القهر اذا الوحدة ماتبي تنزل دمعتها عشان موقف وتنزل ذا الدموع غصب 26- ماتهااااااب: بعض البنات شخصياتهم قوية مرررررة وماتهاب شي ابد .. |
| تحفة |
posted 11/13/01 11:43 PM
ابو يزيد انت رررررررررررررهيب وموضوعك اررررررررررررهب وفقك الله |
| ابويزيد |
posted 11/14/01 9:42 PM
part 3 مجتمعنا السعودي يزخر بالعديد من الشخصيات أهمها مايلي : 1- ضعيف الشخصية: هذا غني عن التعريف بلغتنا العامية مرته) ماله رأي رأيه في يد مرته، وهذا طفرة جينية ،ونسبة قليلة جداًجداًجداً 2- شايف نفسة: هذا الشخص مثل الطبل.. من برى يقرقع ومن داخل مافيه شي . . لكن يجيك بعض الشباب اللي مابعد اعرس يكشخ مب لله عشان طردي وراه البنات وهو(خلاخل والبلا من داخل) ،لكن المتزوج اللي مايتكشخ إلا عشان زملاه. المشكلة ان بعض الشباب يتهزون بجورج بن قرداحي على الأقل هو شكل ومضمون لكن بلاك هذولي اللي الثقافة عندهم في الرياضة 100%100 أما غير كذا 10%. فنبي نعرف ليش الشباب يشوف نفسة على الحريم3-راسن يابس: هذا طبعاً لا ينعجن ولا ينرق ،أغلبية شبابنا وشيابنا وبزرانا من هذه الطينة ،وصدق من قال : حدر جبل ولا تحدر طبع. ورأي هذي النوعية من الرجال كالسيف إن لم تقطعة قطعك،من صفاتة: مايرجع في قراراته نهائياً و عقليته غير قابلة للتطور. 4- القعيطي(ابو قرش): لا تعليق لأن الكتابة تأخذ وقت على النت والنت يبي فلوس والفلوس عند العروس والعروس تبغى ولد والولد يبي حليب ....الخ 5-عـــجاز (قنصلية سودانية): ( 3/4) السعودية عجازين ولو ان السعوديين مو عجازين كان ماشفتوا السواويق ولا شفتوا العمالة أكثر منا ،ولا شفتوا الكروش من كثر القعاد ولا شفتوا النفس الثقيلة. يعني بالله يالشباب انتم في قمة الحيوية والنشاط ليه العجز والكسل والاعتماد على الغير 6- طن طن طن طنقور: هذا طنقور لو تقولة السلام عليكم ، قالك: براسك شي يالحبيب ؟؟!! يعني مافية تفاهم نهائياً ، حجاجه دايم معقدة والبسمة ماتشوفها في خشتة أبد .. يعني مافيها شي أيها الإنسان الطنقور انك تضحك وتبتسم وتهدي أعصابك وتكون انسان رايق وراقي في تعاملك . 7- مطوع (ملتزم احم احم ) : هذا عندنا بعض الشباب ماشاالله عليهم الله يحفظهم ملتزين ومحافظين والتزامهم على بصــــــيرة . والبعض الآخر التزامه شين لاهو على بصيرة ولا يحزنون انسان متشائم أسلوب قاسي في التعامل والكلام لا مع أهلة ولا مع غيره وكأن الناس على خطأ وهو على صح. مانقول إلا الله يهدينا اجمعين. 8-خيره لغيره: هذا الإنسان مايسوي خير لا في نفسة ولا في أهلة ،يعني مثل ماذكرت خيرة لغيرة ،مايفزع ولا يقوم بالحق والواجب ولا يساعد إلا غيره وهذي أحس ان نسبتها لابأس بها عندنا. 9- متسلط: كل الشباب كل ابوهم عندنا متسلطين نادر جداً انك تلقى شاب مو متسلط وياليته على سنع بس ،الوحدة اذا ماكان عندها اخو متسلط عليها يجيك أحد اعمامها والا خوالها ولا بزر من عيال عمها يتسلط عليها واذا اعرست جاك رجلها ما أقول الا الله لايسلط عليهم من هو أقوى منهم. 10-طفران: مادري أحس ان اغلب السعودين طفرانين وذلك بسبب حبهم للمظاهر اللي نفضت جيوبهم . 11-راعي الدشوش: دايم ماغير تسدح عند ذا التلفزيون ومطالع ذا المذيعات ورادن بالعلم كلهم عشان برنامج سخيف زي وجهه 12- نصااب : هرمون غريب عجيب ماهو موجود إلا في السعوديين ألا وهو هرمون النصب وهذا الهرمون يفرز بشكل غيرررررر طبيعي ، نصب نصب نصب على كيــــــــــــف كيفــــــــــــــــــك،لو يقولون للبنت وش تتمنين يانجدية أقول نفسي أشوف شاب مو نصاب (والله ماطلبت هي شي أمنية بسيطة بس تحقيقها صعب). هذا مايمنع ان فيه بعض الشباب اذا حطيتهم على الجرح يبرى وانهم على قدر كبير من الوعي والثقافة |
|
|