|
| Author | Topic: what's ur favorite dish |
| diego garcia |
posted 3/26/05 7:15 AM
hello agn batchmates, maybe this would be different from the other topic that we have,what's ur fav dish na a mi miss mu keti pinas,or ur favorite food i should say, yaku mababo mu ing buri ku ningnang a bulig sawsawan a sampaloc with siling labuyo and asadung dilang baka maparas-paras nyaman ne,,so what's urs my dear friends |
| pinay |
posted 3/27/05 10:58 AM
Ala kung amimis a pamangan uling keni ku makatuknang. Haha. Buri ke ing balut.Very famous ya. One of the weirdest food daw all over the world. |
| ICB |
posted 3/27/05 11:28 PM
Ing a mimis ku,pindang damulag, itang maslam. And also, bulang-lanlig babi. Aliwa mu rin ing lutung kapampangan, neh? |
| Ningnang-ningnang |
posted 3/28/05 6:53 AM
Yaku ing ami-miss ku itang kalupa na nita kang Diego Garcia, ampo siyempre my all time favorite buro ampo ligang balasenas, okra, saka me i-match king pritung dalagang bukid o kaya tilapia. Buri ke rin ing pindang ampo pinakbet pero makalutu ku kasi keni ampo biyasa kung gawang pindang. Ing pagmayumu naman o dessert siyempre, my favorite, manggang malulut. |
| california girl |
posted 3/28/05 9:25 PM
Ing ami-miss ku "sisig".... and my favorite almusal, fried rice and tocino. Last weekend mengan kami king "Max's Fried Chicken" and i ordered pork sisig. I was really disappointed, e manyaman. Anyway, kare-kare was okay and crispy pata. |
| diego garcia |
posted 4/5/05 9:42 AM
o pinay, maka anak na rugu ing fav.,mu balut e ku na agyu mangan kanita hehehehe pero manyaman ya |
| diego garcia |
posted 4/5/05 9:45 AM
ningnang-ningnang potang muli ka tol sabyan mu,atin kung balung pikwanan a pindang damulag a maslam keni,dagdagan te ing gule mu ampalaya ampo okra ne nyaman makayayat talaga hehehehe |
| KATAHKOOT |
posted 4/12/05 1:57 AM
Aku like Diego and Ning-Nang bulig a mening-nang murin, sisig,kilayin,burung nasi a ating lagang balasenas ampong ning-nang a bangus. Kanyaman Abe ko makaranup neh? Pati chico, lansones, santul, manggang malutung miss ku la rin. |
| Curious |
posted 1/19/06 3:21 AM
ANYTHING my wife cooks!!!!!! I really like sinigang, bistig, tinola, nilaga |
| virgo |
posted 2/1/06 0:57 AM
Ing a mi miss kung pamangan mumuna ya ing lechon ing kasing luluto dang lechon keni keng Sydney e na kalasa kekatamu.Ing sarsa da neng kayi Mang Tomas.ing aliwang lutong pinoy kasi aluluto ng misis. A mi miss ke murin ing sabo buko ampo ing sisig keng barbekyuhan. Sisig mu ne ali ya kayabe ing beer. |
| diego garcia |
posted 11/7/08 11:46 AM
good boy ya e virgo,ali ne miminum beer pota nman bro brandy hehehe, kng bunduk niloko da ku, bulalo ya pin sa ampo lots of green, dumagat la dng migluto bulalung matsin...k neman oneng potang agaganaka ke maybug kng..... |
| diego garcia |
posted 12/23/08 6:18 AM
hello again pipol, oyni ing manyaman during the holidays, ale ubi, biko, suman bulagta, ampo kapeng gulisak,,nyaman mamangan tsaka ne ing diet atin namang panulu hehehe |
| diego garcia |
posted 1/6/09 5:59 AM
mag diet la ngan dng pipol hehehe ali bisang mag post pengan nyang holiday, yaku peka pangan-pangan ku atin namang panulu heheheheheh |
| katahkoot |
posted 1/6/09 6:46 AM
diegs, aku ali ku mig diet talagang pengan ku ngan ing buri ku. medagdag kung timbang a 2 lbs. pero bumawi ku starting next week aryan ku pa ining week a ini kasi atchu ya pa ing dalaga ku kekami, balu muna alang patugut a kakalutu. kailangan medyu magpa slim kung bagya lalu na magbakasyun kami ken. |
| diego garcia |
posted 1/11/09 2:45 AM
katahkoot,ikang masikan-sikan lub mamin dakal pengan, hehehe emu na paka sexy, pota mapakli na kami nanaman batal hehehehehehehehehehehe |
| diego garcia |
posted 3/7/09 4:11 AM
meyayat ne kaya e katahkoot, malapit na ing bakasyun da ah, pekapangan kung BANAGAN ampo ALIMANGO king Aurora, maka-anak hehehehe |
| katahkoot |
posted 3/17/09 11:56 PM
komusta naka diegs? miss munaku neh? balu mo ustu ka keng sinabi mu kasi my friend and i started going to the gym and believe it or not i lost 6 lbs in just two weeks at syempre kayabe ne rin ing pamamangan healthy food lalu na no more midnight snack for me :( by the way, balita ku pala keka nung nokarin kami munta. we are going to germany this summer right after na ning klase da reng anak. aganaka mo last time kung mekibalita keka keni sabi ku it will take me a while na mabating pero guess what i'm back again. o sige komusta namu pasibayu kareng batchmates lalu na kang Bro. Del ok? |
| diego garcia |
posted 3/23/09 4:45 AM
bah ,ali ne buzy e katahkoot,emu na pakasexy, hehehehe mas ok naka siguro kanyan atin lamanlaman bagya hehehe pagdala muku e german ne detang mala hitler datang hehehehe |
| knix |
posted 3/23/09 11:44 PM
Hi there! I'm back!!! Sorry meging busy ku king pamaglipat mi king bale uling dakal kami gewang project king bale. inayus mi yang masalese, memintura, mengabit hardwood, etc. Oyni, mekalipat na rin sa wakas, pero dakal pa gamit dapat ikabit king masalese lugar. Potang muli ku ken mi-adya ya ing ningnang bulig, tilapya, o kaya pritung bukid with matching buru, ligang balasenas, okra. sana mitagal kupa kareng manggang malulut uling favorite ko reta. Miss ku ningnang king Pinas. Ngeni pamu tatakam na ku lalu na king buru. Eku bisang maglutu keni bayung bale buru uling eke buring mamawu ing kilub bale, hehehe. agyang mengabit kaming exhaust/vent king kusina pero atin pa mu rin mitakas bawu. Napun pamu memritu kaming tuyu, pusit ampo fish king garage. Lalawen ko pin deng lalabas tau pota abawu da. Pero uling marimla ing panahun alang taung lalakad king dalan. kaybat, mig-spray kung air freshener para milako ing bawu nign tuyu. Nung akumu eko buri deng tuyu, deng abe ku bale ilang maniglo. Aku rin katahkoot a-maintain kune ing 155-160 lbs kasi ing binawas ku ing nasi. Ing exercise eya effective kaku. Anyang carbs mu ing binawas ku migbaba ku timbang. Dati kung 180 lbs. Dati deng panatlon ku waistline 34". Ngeni 31" or 32" namu. Deng shirts ku dati XL, ngeni small or medium namu. Ngeni mesane na kung kasakmal mugn nasi kakanan ku pero daragdagan kunamu king ulam, lalu na nung gule ing ulam. Ampo sabi napin Diego, kaya migbaba ku timbang uling bawasan ku kanu buladas, hahahaha!!! Okol ka Diego! Oyta pu ing kasaysayan ku ngeni. Komusta na kayu ngan at mikit-ikit tana mu ken. I love you all!! |
| diego garcia |
posted 4/3/09 2:04 AM
sexy ne e knix ah 34 ya waist hehehehe |
| Knix |
posted 4/7/09 3:22 AM
Komusta na kayu ngan? Diego, ene man 34" waist ku, 31 0r 32 nemu neh. Antalu reng abe tamu? Ot dintang kumu memaglako la rugu, huhuhu! Sige, manaya ku kekayu neh. |
| diego garcia |
posted 4/14/09 6:23 AM
Knix, mibagsak ku tol kng annual PE ku, miras kung 195lbs. nyapin more than 2 weeks nakung e mamangan bengi, pero nung type ku ing ulam mangan ku pa murin hehehehehe |
| knix |
posted 4/18/09 2:50 AM
Komusta na kayu nga? nu koh Diego, bundat ka pala. map naman aku ekupa miras more than 180 lbs. ing gewa kumu bewasan ku nasi, Asnang kasakit king primeru. 1st three weeks magkasakit ku, pero ngeni kasakmal mung nasi, kaybat nung gule ulam, magpurus ku. Nung karni naman magpurus kumu ampo bagalan ku pamamangan para sagli mabsi. Ampo metung pa bawasan mu...kalupa ning advice mu kaku kanita...bawasan mu naman buladas, makayayat ita, hahahahaha!!!! ok ya kanita ne tol. Sige, next time namu. Antalu reng abe tamu keni??? |
| katahkoot |
posted 4/18/09 2:22 PM
komusta pasibayu kekayu? ayni melili naku na naman kabang panenayan ke ing lulutu ku. masira ku diet ngeni kasi munta kami keng b-day and promotion party pinandit kanini. agree ku keka knix aku man bewasan kuna rin ing nasi ampong halus fruits and veggies namu atsaka dakal a danum bangkanita laging mabsi ing feeling ku (no more soda). o sige pasensya na kayu mag ready naku kasi it'll take me forever patche mag ayus ku, mabagal ku kasi :) pasyal ku next time and siguru king tutuki marakal na kang apukpuk a wall deco kanyan ne knix? kapilan ing house warming yu? imbitadu kaming diegs? |
| knix |
posted 4/18/09 7:23 PM
Komusta na kayu ngan. Ing house warming king May 2....bring your own baon, hahahaha! Kadaratang mi pamu kasi tiki dakung saling kambing king farm. Ngeni kupa minta kareng farm keni Wisconsin..babawung taklang baka, hahaha. Pero karakal da kambing. Migbilib la kekami detang makibanding Americans uling allow dang paten kambing karin pero mas humane ing style Pinoy kasi anyang ikit dang pepainuman mi yamung metung boting aslam ing kambing eya man ginaga kabud yamu migpiyak mata, that's it. Ngeni lapa kanu menakit makanyan. Oyni, kasalukuyan lulutu ke kalderetang kambing saka sisigang ing buntuk na. Itang laman lub ketang friend mi karin de lulutu papaitan. Eke buring muluk bale ku, hahaha. Oyta, nung mipunta kayu pota imbitadu kayu king "goat party" mi, hahaha. |
| goodguy |
posted 4/23/09 10:50 PM
Kumusta na mga kababayan? Oyni mipadalan cu. Knix, makaranup neman ing luluto mu. Paborito ke yata ing luluto mu, lalo na keng pulutan. Husto kapin ketang sinabi mung ali me buring buluk ing kekayung bale ketang papaitan, kasi bayu yang pintura. Happy goat party namu ampong house blessing. Busing-busy ku brod. kening obra ku. Sige keng tutuki namu. |
| erncarl |
posted 4/24/09 3:20 AM
Knix, shhhh....secret. kilala mu ku pa. Congratulations! Atin na ka ring mortgage payment, hahaha. Padalan mu kaming pics ning malapalasyu mung bale. Hinay-hinay kamu keng karne, although manyaman ing mamangan, we're not getting any younger. Kumusta namu kang Freda and your daughter, sorry akalingwan ke lagyu. |
| knix |
posted 5/5/09 7:06 PM
Hello there. Komusta na kayu ngan? Hayy, sa wakas meyari mu rin house warming mi. Fot the 1st time in my life, ngeni kami pamu mikabisitang almost 50. Migkasya noman king bale mi. Ngeni kupa mikabisitang Americans...deng siping ming bale. Hayy naku, megisan ku english karela agyang english carabao kumu..bandang tauli english kambing na ku mu, hahaha. Pero masaya. Migbiloib la reng Kanu king Pinoy Party kasi mebigla la king karakal pamangan. Kasi deng kanu ustung ilang mag-party purus mung chips, beer, soda, brats, burger, sloppy joe...purus makaranup mu. Ing handa ku, miglutu kung chicken pastelle (ustu ya spelling Carol?), Thai Shrimps, Sloppy joe, Meatballs in barbeque sauce, cookies, leche Flan, Lumpiang Shanghai. Frida naman iyang miglutu king pansit. Deng dadala da reng bisitang Pinay...Tinapang Bangus, Relyenong Bangus, Shrimps with coconut milk, Kalame nasi, Cassava cake, fruit salad, Fresh fruits..eku balu nung atinn ku pang alaktawan. Masayang masaya. Me-shock la reng Kanu king karakal food. Kaybat, menalbe kaming laban ng tukayu ku..balamu atyu ka king sabung king sobra sigla..gulisakan. Pero ing kasantingan ning bale mi, emu daramdaman ing noise king luwal. Erncarl, nanu ya e-mail address mu? Send da kang pictures ning "mansion" ku hahahaha. Atin ku pang pictures anyang "before" and "after" ning bale kasi dakal kami penalilan king bale...leko mi ya carpet sala ampo room mi. Mengabit kaming hardwood kaya mas masanting ya ampo pinintura mi ya buong bale kasi agyang bayung yang pintura ita, deng dating makibale sloppy lang memintura. Map namu ing pinsan ku handyman ya kaya iyang kasawup ku. Mebigla lapa reng Kanu kasi atin ng karaoke king basement, atin pang karaoke king sala. Pero eno migkanta king sala, menalbe na lamung movie (blu ray of course..ano ako, poor? hahahaha. Osimap bose acoustimass 16 yamu sound system ko, bwahahahaha...Ayy sorry, pota taba na ku na naman kasi sabi ng Diego ing sobra buladas makataba, hahahaha. Potang kayi Erncarl call dakayu neh. Pero ing egana-ganang ini about king house uli namu king sawup ng Grace Austria. maragul yang sawup kaku gewa na lalo na ustung atin kung ali aintindyan kareng wordings or terms about real estate. Nung mamasa ka man keni Grace..dakal a salamat. Kayapin king sawup na asneng kababa mortgage ku..halus kalupa nemu ning upa ku apartment dati. Balu ku naman, dakal masaya para kaku kareng ka-batch tamu kasi agyang matsura sitwasyun ning economy keni America meka-survive kami pa keni. Sana patuluy tamung mag-pray king metung at metung. kapa, ot meging dramatic na ku ata, hahahaha. Hay, naku..hangga na ngeni mabsi kupa king happenings last Saturday. Sige mga kapatid, ingat namu kekayu at sana maging masagana ngan ing biye da reng 79ers lalo na reng atyu king Pinas. Sana tumud tamu ngan king lotto neh, hahaha. I love you all...Carol, ing e-mail mu send me kaku, ok. Komusta kang Ernie at king buong 79ers. |
| diego garcia |
posted 5/16/09 6:41 AM
Don Manuel, kadagul na cguro bale mo neh, ampo dakal pamangan. tol ali naku undat ngeni 35 naku waist bagya pa dati maybug miras 37 hehehe, tutu ing sasabyna bawasan kung bagya ing buladas pero digdagan ku ing RAW hehehehehehe |
| diego garcia |
posted 5/16/09 10:25 PM
hi all, napun kupa mig-post reply ali ya pala me post mulala ya ing cp hehehehe, nyaman , mamasang posting hapi ku despite hard times atin akakit a achievement lalu na kng knix, maragul yang bage ing house a sarili, agawa mu ing buri mu,maging keka yapa. knix, migbaba na naman timbang pero ali ke pa akwa kalupa na nng kalagyu mu, nung miras kung makanita timbang dapat milaban lapa pacman bayu ke labanan ing sinambut, nyaman a buladas ne hhehehehehe. sagli namu ing july mikit- ikit uli, pamu knix, long hair kapa murin tol ali naman crew syempre,ala naka man kng service heheheh ampo c a t. heheheheh. e katahkoot kaya ????? alang mag one way ne agad magpakilala.. datang ne kaya itang ali kupa ikit????? |
| diego garcia |
posted 8/16/09 0:19 AM
oyni ing almusal pamangan pakakalulu >single nasi >ebun buru ibat pateros tiltilan kamatis >danggit ibat cebu >tabang talangka >paku-pakuan with matching alubebe undat naku na naman kanini |
| katahkoot |
posted 8/16/09 12:13 AM
Diegs, komusta naka???? malwat karin mebating ah! nokarin ne i Bokyo? malwat ne rin ali mamasyal keni. kanyaman naman ing kekang almusal. aku oyni mapaling kape with matching tinape na tiniltil ku. mig attend king milabas a reunion? last time misabi kata mebawas ku 2 lbs. kanita tapos 15 lbs. kaso ngening munalis kami asnakung katako, ala kung matugut mamangan kaya midagdag ku timbang a 8 lbs. pero i'm working on losing my weight na naman. mingat and glad to hear you again. |
| diego garcia |
posted 8/17/09 8:15 AM
yes katahkoot, i was there in poracay on the first day. but have to leave first daylite the following day anya eku mipunta mars garden, masaya la rin kanita just like in poracay. bah metaba ka uli? bawasan mu ing pamangan pota emu 8 lbs ing midagdag keka, masakit ing maragul, pane ku keni eka siguru mamasa kareng aliwang topic. alang balung gawan kening bunduk tralala patse mumuran nung e mamangan... i was advise to trim down, maragul ing adwan na,15 lbs. meka 3 lbs kupa heeheheheh....as i was writing this palambutan ke ing pata adobu kanu at dinan yang hard-boiled egg nyaman ne, maka-anak....................... |
| goodguy |
posted 8/17/09 9:15 PM
Panganiaman ing kekayung almusal, aku keni minsan ali naku makapag almusal. Minsan keni kung office mag-breakfast, patse ating meeting, mag-brunch nakumu. Ing breakfast itang mabilis namung kanan. |
| diego garcia |
posted 8/18/09 8:46 AM
goodguy, bayu ing sabla pamangan pa, masakit ing ating sakit bro. ingat |
| Peaceman |
posted 8/18/09 9:53 AM
Pareng Diego, mikasundu kata king food..etamu maselan..basta atin mung tiltilan neh. Ustung delanan mu kasakitan king biye mag-improvise ka para apanyaman ing simpleng food. Ikami kanitang high school, neng kayi bayabas mu ulam mi..neng kayi toyu ampo taba, pisamut mi...amas me king nasi... yapin na rugu food mi kanita. Kayapin anyang minuli ku Pinas, potang pasyalan kula reng friends ku..balada magkutsara ku...sabi ku..ayy ali..mag-gamat kumu..ban kanita feel ku kakanan ku. Nung king bale kumu mamangan ot ekumo mag-gamat? Pero siyempre ustung king luwal na ot party..medyu babage ku naman....eku mag-gamat...mag-bitis na ku mu, hahahaha!!! Nakadwa, ulam mi pindang with matching balasenas and buru..takam..takam...Ing ami-miss kung kanan king pInas ing kamaru. Next time, panikwanan kung mangan kareta. |
| diego garcia |
posted 8/19/09 1:49 AM
knix, ekula type deng kamaru, balamu kakalkalan daku atyan patse kakanan kula.. tutu ing amanuan mu nung ala ka rugu baste ali sira ampo ali makalasun.. kanan ke nyapin mataku ku rin raw.....heheheheh kidding aside neng weekend patse almusal agyang tuyu ampo mung baguk with sili tsaka tropik laman tyan na ita....loose weight kung bagya ngeni bro...pero kailangan pang magbawas bagya.... |
| goodguy |
posted 8/19/09 8:13 PM
bro diego, dakal a salamat keng pamag-alala mu kanaku. tutu ing sasabyan mu, pakikwanan kung mangan agyan metung a pandisal bangkanita ating yang laman ing atsan ku agyang ditak. aku amimis ku ing kekayung kakanan, kasi masyadung malat ing tuyu. bro, mimingat kayu murin keng pamangan mikakaidad tanamurin, lalu na kening amrika bro knix, masakit na pota bigla tanamung mibulagta. bro diego nokarin ka makadistinu keng kekang obra? |
| diego garcia |
posted 8/19/09 11:27 PM
goodguy, am up here in the north, tip of luzon, a small town called Buguias, near the local DMZ,very near to mother nature, sometimes once a month mumuli,sometimes 3 months, but the past two months medalas almost weekly, manyaman ing pamangan keni native ngan manuk,babi, lots of green,masakit mung bagya ing fish. nyapin magpigil kung bagya lalu neng bengi, neng kayi ali naku mamangan.have to trim down, mikakamwanan naku keng doctor mi keni...pero ababa kung na ngan choles, uric no sugar, metung namu ing dapat ibaba my weight...k see u bro...cheers. |
| socrates |
posted 10/5/09 3:57 PM
tilapia (fried or inihaw)na may kasamang fresh na kamatis... at isang kalderong steamed rice! |
| kikay |
posted 10/7/09 12:55 AM
hello there...anything with mushrooms.. second anything cooked with vinegar..pampango food..bulanglang bangus..burung nasi with derang tilapia or bangus..with apalya..fresh mustasa leaves...nyaman..and ita pala crispy sisig king MILA's..and tokwat baboy... |
| goodguy |
posted 10/7/09 9:43 PM
panganyaman ing kekayung sasabyan a pamangan. lalung-laluna nung fresh kalupa keng pilipinas. kening amerika puro frozen ing kekang asaling asan. atin muring live fish pero malambat nalamuring makababad keng danum atsaka alinala fresh lasa, asnala pang kakamal. just hoping na potang makauli ku, i can eat all these healthy food. |
| diego garcia |
posted 10/8/09 4:59 AM
oyni ing manyaman patse kauran, some green pritung gigi aslam iloko, ampo inuman a marimla, goodguy ing RTE papalit ming native a pamangan kening bunduk. |
| kikay |
posted 10/14/09 1:11 PM
hi diego...makanyan ka neh?..ali mu ku acknowledge..hehehe...ya mu ita..hi knix..love to all.. |
| diego garcia |
posted 10/15/09 8:50 AM
hi kikay, dakal la kasing seloso hehehe pota apagkamalan da ku heheheh.,anyway manyaman na naman ing ulam pindang kabayu talbus kamoti ampo aslam maparas makayayat |
| kikay |
posted 10/16/09 1:43 PM
...thanks diego... |
| diego garcia |
posted 10/22/09 9:40 AM
ur welcome, kikay, nung kauran manyaman pane ningnang ampo green aslam maparas |
| goodguy |
posted 10/22/09 11:29 PM
Istung kauran, para kanaku balatung ampong ningnang a tuyo o kaya pritung daing a kalasu. |
|
|